पाली-बौद्ध अध्ययन जागरूकता अभियान | Sakal
sakal

बोलून बातमी शोधा

पाली-बौद्ध अध्ययन
जागरूकता अभियान
पाली-बौद्ध अध्ययन जागरूकता अभियान

पाली-बौद्ध अध्ययन जागरूकता अभियान

sakal_logo
By

पुणे, ता. २५ ः सावित्रीबाई फुले पुणे विद्यापीठाच्या पाली व बौद्ध अध्ययन विभागाच्या प्राध्यापक, विद्यार्थी व प्रशासकीय कर्मचाऱ्यांनी अनोख्या पद्धतीने डॉ. बाबासाहेब आंबेडकर यांची १३१वी जयंती साजरी केली. विभागात चालविल्या जाणाऱ्या पाली व बौद्ध अध्ययन क्षेत्रातील पदविका व पदव्युत्तर अशा १६ अभ्यासक्रमांची माहिती जनसामान्यांपर्यंत पोचावी या उद्देशाने विभागातर्फे ‘पाली व बौद्ध अध्ययन जागरूकता अभियान’ राबविण्यात आले.
अभियानांतर्गत पिंपरी येथील पालिका भवनासमोरील डॉ. आंबेडकर यांचा पूर्णाकृती पुतळा, दापोडी येथील त्रैलोक्य बौद्ध महाविहार, तसेच पुणे जिल्हाधिकारी कार्यालयासमोरील डॉ. आंबेडकरांचा पुतळा या तीन ठिकाणी माहिती कक्ष उभारण्यात आले. माहिती कक्षांच्या माध्यमातून विभागातील अभ्यासक्रमांची माहिती देणारी पत्रके वाटण्यात आली आणि अभ्यासक्रमांना प्रवेश घेऊ इच्छिणाऱ्या संभाव्य लोकांची आगाऊ नावनोंदणी करण्यात आली. पाली व बौद्ध अध्ययन या विषयांची ओळख होण्याच्या दृष्टीने विभागातर्फे प्रकाशित करण्यात आलेल्या पुस्तकांचे प्रदर्शनदेखील पिंपरी येथील माहिती केंद्रात मांडण्यात आले होते. अभियानात डॉ. प्रवीण तलअत, तृप्ती तायडे, दीपाली पाटील, रितेश ओव्हाळ, प्रणाली वायंगणकर, डॉ. मृगेंद्र प्रताप व दीपक गायकवाड यांनी दिली. या अभियानात सुमारे २५०० माहिती पत्रके वितरित करण्यात आली व सुमारे ८०० इच्छुकांनी आगाऊ नावनोंदणी केली. या अभियानाची दुसरी फेरी बुद्धपैर्णिमच्या दिवशी म्हणजेच १६ मे २०२२ रोजी राबविली जाणार असल्याचे प्रा. देवकर म्हणाले.

Web Title: Todays Latest Marathi News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top