मसाजच्या नावाखाली वेश्याव्यवसाय; दोघांना अटक, तीन तरुणींची सुटका
पुणे, ता. २१ : आलिशान स्पामध्ये मसाजच्या नावाखाली सुरू असलेला वेश्याव्यवसायावर पुणे पोलिसांच्या सामाजिक सुरक्षा विभागाच्या पथकाने कारवाई केली. पोलिसांनी दोघांना अटक केली असून परराज्यातील तीन तरुणींची सुटका केली आहे.
व्यवस्थापक सुफीयान अहमद अली (वय २२, रा. विमाननगर, मुळ रा. आसाम) व त्याचा साथीदार व्यवस्थापक अब्दुल मलिक मुफूर अली (वय २१, रा. येरवडा, मुळ रा. आसाम) अशी अटक केलेल्यांची नावे आहेत. तर स्पाचा मालक, भागीदार महंमद अब्दुल हचिब (वय २५, रा. आसाम), अन्वर दाऊदभाई अहमदाबादी (वय ६८, रा. विमाननगर) व शबनम सुलेमान शेख (वय ३२, रा. मुंबई) यांच्याविरुद्ध गुन्हा दाखल केला असून पोलिसांकडून त्यांचा शोध घेतला जात आहे.
विमाननगर येथील सिंबायोसिस रस्त्यावरील एका बंगल्यामध्ये "मेरियन स्पा'' हे मसाज पार्लर सुरू होते. येथे वेश्याव्यवसाय सुरू असल्याची माहिती मिळताच पोलिसांनी तेथे बनावट ग्राहक पाठविले. संबंधित प्रकाराची खात्री होताच पोलिस पथकाने तेथे छापा घातला. त्यावेळी तेथे आसाम येथील एका तरुणीसह इतर तीन तरुणींकडून वेश्या व्यवसाय करून घेतला जात असल्याचे आढळून आले.
त्यानुसार, पोलिसांनी तेथील दोन व्यवस्थापकांना अटक केली. त्यांच्याकडून २३ हजार रुपयांचे साहित्य जप्त केले.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.