यूजीसी-नेट परीक्षेसाठी एकाच अर्जाचा नियम

यूजीसी-नेट परीक्षेसाठी
केवळ एकच अर्ज ग्राह्य
विषय निवडताना काळजी घ्या; एनटीएच्या सूचना
छत्रपती संभाजीनगर, ता. ९ : विद्यापीठ अनुदान आयोगाच्या (यूजीसी) जून २०२६ मधील राष्ट्रीय पात्रता परीक्षेसाठी अर्ज करणाऱ्या उमेदवारांनी परीक्षेसाठी एका उमेदवाराने केवळ एकच अर्ज सादर करावा, एकापेक्षा अधिक अर्ज केल्यास केवळ शेवटचा अर्ज ग्राह्य धरला जाणार असल्याचे स्पष्ट करण्यात आले आहे.
राष्ट्रीय परीक्षा संस्था जून २०२६ मधील राष्ट्रीय पात्रता परीक्षा ८७ विषयांसाठी संगणकाधारित पद्धतीने घेणार आहे. एका उमेदवाराने एकाच विषयासाठी किंवा वेगवेगळ्या विषयांसाठी अनेक अर्ज सादर केल्यास ते स्वीकारले जाणार नाहीत. अशा परिस्थितीत केवळ शेवटचा अर्ज ग्राह्य धरला जाईल आणि इतर सर्व अर्ज रद्द करण्यात येतील. उमेदवारांनी अर्ज भरताना विषयाची निवड काळजीपूर्वक करावी, कारण अर्ज सादर केल्यानंतर विषय बदलण्याची संधी दिली जाणार नाही, असेही स्पष्ट करण्यात आले आहे. अर्जातील सर्व माहिती अचूक आणि पूर्ण असल्याची खात्री करूनच अर्ज सादर करण्याचे आवाहन परीक्षा संचालक कर्नल बी. विजयकुमार यांनी केले आहे.