बेकायदेशीर गर्भपात प्रकरणी महिलेस सोमवारपर्यंत कोठडी

बेकायदेशीर गर्भपात प्रकरणी
महिलेस उद्यापर्यंत कोठडी
तपास स्थानिक गुन्हे अन्वेषण विभागाकडे
सकाळ वृत्तसेवा
बार्शी शहर, ता. २७ : श्रीपत पिंपरी (ता. बार्शी) येथे महिलेचा बेकायदेशीर गर्भपातामुळे मृत्यू झाला होता. त्या प्रकरणी घटनेतील मदतनीस वंदना कामत या संशयित महिला आरोपीस शुक्रवारी (ता. २६) पोलिसांनी अटक केली. तिला न्यायालयात उभे केले असता, न्यायालयाने सोमवारपर्यंत (ता. २९) पोलिस कोठडी सुनावल्याची माहिती पोलिस उपअधीक्षक अशोक सायकर यांनी दिली.
बेकायदेशीर गर्भपात प्रकरणी अजून काही, कुठे धागेदोरे किंवा रॅकेट आहे का, असा संशय असल्यामुळे जिल्हा पोलिस प्रमुखांनी सोलापूरच्या स्थानिक गुन्हे अन्वेषण विभागाकडे तपास वर्ग केला आहे. घटनेचा अधिक तपास स्थानिक गुन्हे अन्वेषण विभागाचे पोलिस निरीक्षक जगताप करीत आहेत. बेकायदेशीर गर्भपात प्रकरणी वृषाली वैभव मोरे (रा. बोरगाव (काळे), जि. लातूर) या महिलेचा १४ डिसेंबर रोजी मृत्यू झाला होता.