कोपर्डे हवेली : स्वामी समर्थ केंद्रात विविध कार्यक्रम

कोपर्डे हवेलीत उद्या
विविध कार्यक्रम

कोपर्डे हवेली, ता. २७ : श्री स्वामी समर्थ सेवा व आध्यात्मिक विकास मार्ग (दिंडोरी प्रणीत), तसेच अखिल भारतीय श्री स्वामी समर्थ गुरुपीठ, त्र्यंबकेश्वर यांच्या वतीने आबासाहेब मोरे यांचा दौरा आयोजित करण्यात आला आहे. सोमवारी (ता. २९) दुपारी चार वाजता येथील श्री स्वामी समर्थ सेवा केंद्रात हा कार्यक्रम होणार आहे.
कार्यक्रमात ग्राम व नागरी अभियानाचे प्रशिक्षण, तसेच जागतिक कृषी महोत्सवावर भर दिला जाणार आहे. श्री. मोरे यांच्या मार्गदर्शनाखाली शेतकरी बांधवांना शेती, अध्यात्म, नोकरी, आरोग्य, विवाह, पर्यावरण, स्वास्थ्य, भारतीय संस्कृती आदी विषयांवर मार्गदर्शन केले जाणार आहे.
कार्यक्रमात नोंदणी, विवाह कुंडली मेळावे व शेतकरी प्रशिक्षण आयोजित केले आहे. याशिवाय विवाहार्थी, आरोग्य समस्या, शेतकरी स्वावलंबन आदींना विशेष मार्गदर्शन मिळणार आहे.
कार्यक्रमाचा लाभ घ्यावा, असे आवाहन आयोजकांनी केले आहे.

-------------------------------