रविवारी कोथरूडमध्ये गांधी दर्शन शिबिर

कोथरूड, ता. ८ : महाराष्ट्र गांधी स्मारक निधी आणि युवक क्रांती दलाच्या वतीने रविवारी (ता. १३) सकाळी साडेनऊ ते सायंकाळी साडेपाच या वेळेत ‘गांधी दर्शन’ शिबिराचे आयोजन केले आहे. कोथरूड येथील गांधी भवनच्या सभागृहात हे शिबिर होणार आहे. लेखक डॉ. अच्युत गोडबोले (कृत्रिम बुद्धिमत्ता आणि समाजावरील परिणाम), ज्येष्ठ पत्रकार उत्तम कांबळे (जागतिकीकरण), लेखक ॲड. शंकर निकम (भरकटलेला राष्ट्रवाद) हे मान्यवर मार्गदर्शन करणार आहेत. महाराष्ट्र गांधी स्मारक निधीचे अध्यक्ष डॉ. कुमार सप्तर्षी हे अध्यक्षस्थानी असणार आहेत. ‘गांधी दर्शन’ विषयावरचे हे २२वे शिबिर आहे.