माझी दहावी, स्मार्ट दहावी कार्यशाळा उत्साहात

कोथरूड, ता. १३ : स्मार्ट पुणे फाउंडेशन या संस्थेच्यावतीने इयत्ता दहावीच्या विद्यार्थ्यांसाठी माझी दहावी, स्मार्ट दहावी कार्यशाळा कोथरूडमधील यशवंतराव चव्हाण नाट्यगृह येथे रविवारी पार पडली.
या कार्यशाळेचा लाभ ११०० विद्यार्थ्यांनी सहभाग घेतला. पुणे महानगर संघ चालक रवींद्र वंजारवाडकर यांच्या हस्ते कार्यशाळेचे उद्‍घाटन करण्यात आले.
संयोजन स्मार्ट पुणे फाउंडेशन संस्थेचे अध्यक्ष डॉ. संदीप बुटाला, मॉडर्न विकास मंडळाच्या कार्याध्यक्षा मनिषा बुटाला, साई एज्युकेशन ट्रस्टचे अध्यक्ष सागर शेडगे यांनी केले.
या कार्यशाळेला डॉ. सुलभा विधाते (शास्त्र), डॉ. जयश्री अत्रे (गणित व भूमिती), डॉ. श्रुती चौधरी (इंग्लिश), शिक्षण तज्ज्ञ अनिल गुंजाळ आदी मान्यवरांनी मार्गदर्शन केले. तसेच संध्या देशपांडे, बळिराम कदम, सोपान वांजळे, अनिल करंजावणे, अ‍ॅड. विशाल शिंदे व महेश साने यांनी कार्यक्रमाची तांत्रिक जबाबदारी पार पाडली.
योगेश मराठे, बळिराम भडकवाड, मंगेश सकपाळ, गोरख जोरी, पांडुरंग शिंदे, गणेश भडकवाड, जयंत पंदिरे, मनीष कदम, राजेंद्र शेठ, खुशल रायरीकर, साईराज शेडगे यांनी परिश्रम घेतले. प्रा. अजित वाराणवारकर यांनी सूत्रसंचालन केले.