भारती विद्यापीठ ‘आयएमईडी’मध्ये नवीन शैक्षणिक वर्षास उत्साहात

कोथरूड, ता. १६ : भारती अभिमत विद्यापीठाच्या ‘इन्स्टिट्यूट ऑफ मॅनेजमेंट अँड आंत्रप्रिनरशिप डेव्हलपमेंट (आयएमईडी) मध्ये एमबीए, एमसीए अभ्यासक्रमाच्या नव्या तुकडीच्या विद्यार्थ्यांसाठी १४ जुलै ते २१ जुलै दरम्यान इंडक्शन प्रोग्रॅमचे आयोजन केले असून विद्यार्थ्यांचा चांगला प्रतिसाद मिळत आहे. १४ जुलै रोजी इंडक्शन प्रोग्रॅमचे उद्‍घाटन झाले. विद्यार्थ्यांच्या नव्या तुकडीच्या पायाभरणीसाठी विविध तज्ज्ञांचे शैक्षणिक, कारकिर्दविषयक समुपदेशन आणि क्रीडा विषयक सत्रांचे आयोजन या कालावधीत केले आहे.
भारती विद्यापीठ अभिमत विश्‍वविद्यालयाचे कुलपती डॉ. शिवाजीराव कदम, भारती विद्यापीठाचे कार्यवाह डॉ. विश्‍वजित कदम, भारती विद्यापीठ मेडिकल फाउंडेशनच्या कार्यकारी संचालक डॉ. अस्मिता जगताप, भारती विद्यापीठ अभिमत विश्वविद्यालयाचे कुलगुरू डॉ. विवेक सावजी यांच्या मार्गदर्शनाखाली हा कार्यक्रम आयोजित केला आहे.
ज्येष्ठ समुपदेशक, व्याख्यात्या डॉ. पूजा मेहरा, संजीव त्रिपाठी यांनी मार्गदर्शन केले. आयएमईडीचे संचालक डॉ. अजित मोरे कार्यक्रमाच्या अध्यक्षस्थानी होते. उपप्राचार्य डॉ. रामचंद्र महाडीक यांनी या कार्यक्रमाचे नियोजन केले.
डॉ. अजित मोरे, डॉ. सोनाली धर्माधिकारी, डॉ. प्रवीण माने, डॉ. सत्यवान हेंबाडे व व्यवस्थापनशास्त्राचे सर्व प्राध्यापक या कार्यक्रमासाठी उपस्थित होते.