‘मना’चे श्लोक चित्रपट कोथरूडमध्ये बंद पाडला

कोथरुड, ता. १० ः समस्त हिंदू आघाडीच्या कार्यकर्त्यांनी कोथरूड सिटी प्राइड येथे सुरु असलेला ‘मना’चे श्लोक हा चित्रपट बंद पाडला. उज्वला गौड यांच्या नेतृत्वाखाली समस्त हिंदू आघाडीच्या कार्यकर्त्यांनी दिवसभरात पुणे शहरातील विविध चित्रपटगृहात जाऊन या चित्रपटाचे शो बंद पाडले.
समस्त हिंदू आघाडीचे कार्यकर्ते सायंकाळी कोथरूडच्या सीटी प्राइड थिएटरबाहेर जमा होऊन घोषणा देत आत घुसण्याचा प्रयत्न करू लागले. तेव्हा त्यांना पोलिस व सुरक्षा रक्षकांनी रोखले. नंतर आंदोलकांच्या काही प्रतिनिधींना थिएटरमध्ये प्रवेश देण्यात आला. यावेळी निर्मात्यांनी चित्रपटाचे नाव बदलण्यात येणार आहे. परंतु त्यासाठी काही वेळ लागेल, असे आंदोलकांना सांगितले. यावेळी कार्यकर्ते व पोलिसांमध्ये वाद झाला.