‘सह्याद्री’च्या आर्थिक व्यवहाराचा रुग्णसेवेवर परिणाम होणार नाही
पुणे, ता. १७ : मणिपाल रूग्णालयाबरोबर सुरू असलेल्या आर्थिक व्यवहाराचा रुग्णसेवा आणि रूग्णालयाच्या कार्यपद्धतीवर काहीही परिणाम होणार नसल्याचा खुलासा पुणे महापालिकेने पाठविलेल्या पत्रावर सह्याद्री रुग्णालयाने केला आहे. रुग्णालयाचे मुख्य कायदेशीर व अनुपालन अधिकारी डॉ. अमितकुमार खातू यांनी ही माहिती दिली आहे.
डेक्कन जिमखान्यातील सह्याद्री रुग्णालय ट्रस्टच्या माध्यमातून चालवले जाते. ही इमारत १९९८ मध्ये महापालिकेकडून ९९ वर्षांच्या लीजवर मिळविली असून त्या वेळचा संपूर्ण लीज प्रीमीयम व भाडेपट्टा ट्रस्टने भरला आहे. हा लीज करार आजही वैध आहे. सह्याद्रि रूग्णालयाचा खासगी इक्विटी शेअर्सच्या हस्तांतरणाचा हा व्यवहार आहे. याआधीही अशा स्वरूपाचे व्यवहार झाले असून त्यावेळी देखील रूग्णालयाचे कामकाज सुरळीत सुरू राहिले आहे, असे त्यांनी म्हटले आहे.
महापालिकेशी असलेल्या करारानुसार, महापालिकेच्या शिफारशीने येणाऱ्या रुग्णांवर मोफत उपचार केले जातात. कोणत्याही गरजू रुग्णाला नकार दिला गेला नाही, असे रुग्णालयाने स्पष्ट केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.