एचआयव्हीबाधित पतीकडून पत्नीवर चाकूहल्ला | Sakal
sakal

बोलून बातमी शोधा

एचआयव्हीबाधित पतीकडून पत्नीवर चाकूहल्ला
एचआयव्हीबाधित पतीकडून पत्नीवर चाकूहल्ला

एचआयव्हीबाधित पतीकडून पत्नीवर चाकूहल्ला

sakal_logo
By

पुणे, ता. २५ : पत्नी सासरी नांदण्यास येत नसल्याच्या कारणावरून एका एचआयव्हीबाधित पतीने त्याच्या पत्नीवर चाकूने वार केल्याची घटना बिबवेवाडी परिसरात घडली. या हल्ल्यात पत्नी गंभीर जखमी झाली आहे.

हा प्रकार सोमवारी (ता. २३) सायंकाळी सहाच्या सुमारास घडला. पत्नीवर ससून रुग्णालयात उपचार सुरू आहेत. पत्नीने जबाब दिल्यानंतर पोलिसांनी याप्रकरणी गुन्हा दाखल केला आहे.

पोलिसांनी दिलेल्या माहितीनुसार, पती (वय ३७) हा सोलापूर जिल्ह्यातील माढा तालुक्यातील म्हैसगाव येथील रहिवासी आहे. त्याची २७ वर्षीय पत्नी बिबवेवाडी येथील सुखसागरनगर राहते. पती एचआयव्ही बाधित असल्यामुळे ती त्याच्याकडे नांदण्यास जात नव्हती. त्यामुळे पतीने पत्नीच्या छाती, दंड आणि गुप्तांगावर चाकूने वार करून जखमी केले. तिच्यावर रुग्णालयात उपचार करण्यात येत आहेत.
------