‘एसआरपीएफ’च्या लेखी परीक्षेसाठी पात्र उमेदवारांची यादी जाहीर

पुणे, ता. ३० : राज्य राखीव पोलिस बल गट क्रमांक ५, दौंडच्या आस्थापनेवरील सशस्त्र पोलिस भरतीच्या लेखी परीक्षेसाठी प्रवर्गनिहाय निवड झालेल्या उमेदवारांची यादी https://www.maharashtrasrpf.gov.in या संकेतस्थळावर प्रसिद्ध केली आहे.
रिक्त ७१ पदांसाठी मैदानी चाचणीत उमेदवारांना मिळालेल्या गुणांच्या आधारे १:१० या प्रमाणात ही यादी प्रसिद्ध केली आहे. याबाबत उमेदवारांना आक्षेप असल्यास कार्यालयाच्या srpfgr5@rediffmail.com ई-मेल आयडीवर लेखी स्वरूपात किंवा समादेशक कार्यालयातील नियंत्रण कक्ष येथे प्रत्यक्ष हजर राहून मंगळवारी (ता. ३१) रोजी पाच वाजेपर्यंत सादर करावेत. मुदतीनंतर प्राप्त होणाऱ्या हरकती किंवा आक्षेप विचारात घेतले जाणार नाहीत. अधिक माहितीसाठी ०२११७-२६२३४७ या दूरध्वनी क्रमांकावर संपर्क साधावा, असे आवाहन राज्य राखीव पोलिस बल गट क्र. ५ दौंडच्या समादेशक विनिता साहू यांनी केले आहे.