‘टेट’ परीक्षेचा निकाल जाहीर

पुणे, ता. २४ : राज्यातील सर्व स्थानिक स्वराज्य संस्था आणि खासगी व्यवस्थापनाच्या शाळांमध्ये पवित्र या संगणकीय प्रणालीद्वारे शिक्षक भरतीसाठी घेण्यात आलेल्या ‘शिक्षक अभियोग्यता व बुद्धीमत्ता चाचणी २०२२’ (टेट) या परीक्षेचा निकाल शुक्रवारी रात्री जाहीर करण्यात आला.
महाराष्ट्र राज्य परीक्षा परिषदेतर्फे २२ फेब्रुवारी ते ३ मार्च या कालावधीत ऑनलाइन पद्धतीने टेट परीक्षा घेण्यात आली. दोन लाख १६ हजार ४८३ उमेदवारांचा निकाल शुक्रवारी ऑनलाइन पद्धतीने जाहीर केला. या परीक्षेस प्रविष्ट झालेल्या उमेदवारांची गुण यादी परीक्षा परिषदेच्या ‘www.mscepune.in’ या संकेतस्थळावर उपलब्ध करून दिली आहे.