Bajaj Allianz Pune Half Marathon 2023 : पुणे हाफ मॅरेथॉनमुळे प्रथमच धावण्याची प्रेरणा

Bajaj Allianz Pune Half Marathon 2023 : येत्या रविवारी (ता. १०) होणाऱ्या बजाज अलियान्झ पुणे हाफ मॅरेथॉनमुळे अनेक धावपटूंना प्रथमच धावण्याची प्रेरणा मिळाली आहे. त्यामुळे हा दिवस आणि पर्यायाने ही शर्यत त्यांच्यासाठी निर्णायक बिंदू ठरेल.

या शर्यतीसाठी शहरातील विविध ठिकाणी अनेक धावपटू पद्धतशीर सराव करीत आहेत. कर्वेनगर येथील टोळ बॅडमिंटन हॉल येथे अमित गडनीस यांच्या मार्गदर्शनाखाली एक गट सराव करीत आहे. यातील अनेक जण प्रथमच पाच किलोमीटर अंतर धावतील. मगरपट्टा येथे आतीश पाटील यांच्या मार्गदर्शनाखाली एका गटाचा सराव सुरु आहे. तेथे

मंगळवार, गुरुवार आणि शनिवार असे आठवड्यातील तीन दिवस सराव चालतो. यातील बहुतेक जणांनी चाळिशी पार केली आहे. यापूर्वी बहुतेकांनी पद्धतशीर सराव केला नव्हता. बहुतेक विवाहित आहेत. त्यांना शास्त्रशुद्ध सरावामुळे प्रशिक्षणाची गोडी लागली आहे.
मी पहिल्या वर्षापासून या शर्यतीशी जोडला गेलो आहे.

माझे वडील हेमंत यांनी २०१९ मध्ये वयाच्या ७५व्या वर्षी हाफ मॅरेथॉन पूर्ण केली. आई शिल्पा हिनेही पाच किमी शर्यत पूर्ण केली. माझी पत्नी मुक्ता एके वर्षी पेसर होती.
अमित गडनीस

पुणे हाफ मॅरेथॉनचे संयोजन उत्तम असते. त्यामुळे आपल्या तंदुरुस्तीची पातळी, क्षमता सहभागी धावपटूंना कळते. नवोदितांना नाव नोंदविले की त्यांना किमान वर्कआऊटची प्रेरणा मिळते.
- आतीश पाटील