डिईएसतर्फे कर्मचाऱ्यांसाठी क्रीडा स्पर्धा

पुणे, ता. २२ : ‘‘प्रत्येकाकडे खिलाडूवृत्ती हा गुण असतो. तो अधिकाधिक वृद्धिंगत करण्यासाठी खेळांच्या माध्यमातून प्रयत्न केले पाहिजेत,’’ असे मत ज्येष्ठ क्रीडा मार्गदर्शक श्रीरंग इनामदार यांनी व्यक्त केले.
डेक्कन एज्युकेशन सोसायटीमार्फत पुणे विभागातील सर्व घटक शाळांमधील शिक्षक-शिक्षकेतर कर्मचाऱ्यांसाठी क्रीडा स्पर्धा घेतल्या. स्पर्धेचे उद्‌घाटन संस्थेच्या नियामक परिषदेचे अध्यक्ष डॉ. शरद कुंटे यांच्या हस्ते झाले. यावेळी इनामदार प्रमुख पाहूणे म्हणून उपस्थित होते. माधव सदाशिव गोळवलकर गुरुजी विद्यालयाने नियोजन केलेल्या या स्पर्धेत संस्थेच्या सुमारे सहाशे कर्मचाऱ्यांनी क्रीडा स्पर्धेत सहभाग घेतला. यात धावणे, संगीत खुर्ची, पासिंग द बॉल, रिंगोस्टिक, बादलीत चेंडू टाकणे असा स्पर्धा घेतल्या.
पर्यवेक्षक विकास दिग्रसकर, संस्थेच्या क्रीडा समितीचे प्रमुख खेमराज रणपिसे, धनंजय कुलकर्णी, लीना तलाठी, दर्शन कोरके, एकनाथ बुरसे, ज्योती बोधे, प्रीतम जोशी आदी यावेळी उपस्थित होते.