‘इन्स्टिट्यूट ऑफ कॉस्ट’च्या पुणे चॅप्टर अध्यक्षपदी भागणे

पुणे, ता. २० : ‘दि इन्स्टिट्यूट ऑफ कॉस्ट अकाउंटंट्स ऑफ इंडिया’च्या पुणे चॅप्टरच्या अध्यक्षपदी सीएमए नागेश भागणे यांची निवड झाली आहे. मावळते अध्यक्ष सीएमए प्रसाद जोशी यांच्याकडून भागणे यांनी कार्यभार स्वीकारला. उपाध्यक्षपदी नीलेश केकाण, सचिवपदी सीएमए श्रीकांत इप्पलपल्ली आणि खजिनदारपदी सीएमए राहुल चिंचोळकर यांची निवड झाली आहे.

व्यवस्थापन समिती सदस्य म्हणून सीएमए हिमांशू दवे, अमेय टिकले, तनुजा मंत्रवादी, अनुजा दाभाडे आणि निखिल अगरवाल, विद्यार्थी प्रतिनिधी जयदीप माने देशमुख यांचा समावेश आहे. ही कार्यकारिणी २०२३-२०२७ या कालावधीसाठी असणार आहे. संदीप जोशी यांनी निवडणूक अधिकारी म्हणून काम पाहिले. या वेळी भागणे म्हणाले, ‘‘विद्यार्थ्यांमध्ये कॉस्ट ॲण्ड मॅनेजमेंट अकाउंट अभ्यासक्रमाबद्दल जागरूकता निर्माण करण्यासाठी प्रयत्न केले जातील. तसेच या अभ्यासक्रमासाठी विद्यार्थ्यांची नोंदणी वाढवणे आणि पात्र विद्यार्थ्यांना कॅम्पस प्लेसमेंटद्वारे नोकरीच्या चांगल्या संधी उपलब्ध करून देण्याचे ध्येय आहे. तसेच सदस्यांसाठी विविध विषयांवर कार्यशाळा घेण्यात येणार आहेत.’’