माजी नगरसेवक पानसरेंच्या खूनप्रकरणी आणखी एकाला अटक

माजी नगरसेवक पानसरेंच्या खूनप्रकरणी आणखी एकाला अटक

पुणे, ता. ११ : जमिनीच्या वादातून जेजुरी (ता. पुरंदर) येथील माजी नगरसेवक मेहबूब सय्यदलाल पानसरे यांच्या खून प्रकरणी पुणे पोलिसांनी आणखी एका आरोपीला अटक केली आहे.
दत्ता मारुती मळेकर (वय ४५, रा. गुरुवार पेठ, महाराणा प्रताप रस्ता, पुणे) असे अटक केलेल्या संशयित आरोपीचे नाव आहे. पोलिसांनी दिलेल्या माहितीनुसार, मेहबूब पानसरे यांच्यावर सात जुलै रोजी हत्याराने वार करून खून करण्यात आला होता. या गुन्ह्यातील आरोपी वनेश परदेशी आणि महादेव गुरव ऊर्फ काका परदेशी या दोघांना पोलिसांनी नुकतीच अटक केली होती. दरम्यान, दत्ता मळेकर हा वाघोली येथील गायरान परिसरात आल्याची माहिती गुन्हे शाखेच्या युनिट सहाचे वरिष्ठ पोलिस निरीक्षक रजनीश निर्मल यांना मिळाली. त्यावरून पथकाने सापळा रचून मळेकरला अटक केली.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com