सिल्क इंडियाचे प्रदर्शन सोमवारपर्यंत नागरिकांसाठी खुले

पुणे, ता. २१ ः विविध राज्यांतील कॉटन व सिल्कच्या सुप्रसिध्द आणि आकर्षक डिझाईनचा समावेश असणाऱ्या तब्बल ६० स्टॉल्सच्या प्रदर्शनाला प्रारंभ झाला असून २८ ऑगस्टपर्यंत ते सर्वांसाठी खुले असेल.
कर्वे रस्त्यावर गरवारे कॉलेजशेजारी सोनल हॉल येथे सकाळी १०.३० ते रात्री ९ पर्यंत हे प्रदर्शन आहे. यात हॅंडलूमवर उत्कृष्ट कलाकृती करणाऱ्या विणकरांद्वारे विणलेल्या कॉटन व विविध प्रांतातील सिल्क साड्या, ड्रेस मटेरिअल्स, सूट्स, स्टोल्स, कुर्ता, दुपट्टे यांसह फॅशन ज्वेलरी व गृहसजावटीचे विविध आकर्षक व उत्कृष्ट उत्पादने उपलब्ध असतील. अनेक वस्तूंवर आकर्षक डिस्काउंट आहे. थेट कारागिरांकडून विक्री होत असल्याने बाजारभावापेक्षा कमी किमतीत उत्कृष्ट दर्जा व अस्सल उत्पादने प्रदर्शनात उपलब्ध आहेत. विविध राज्यांची खासियत असलेली उत्पादनेही यात आहेत. सणांच्या पार्श्वभूमीवर जास्तीत जास्त नागरिकांनी प्रदर्शनाला भेट द्यावी, असे आवाहन संयोजकांनी केले आहे.