‘आरसीसी’च्या विद्यार्थ्यांचे ‘नीट’ परीक्षेमध्ये यश

पुणे, ता. १५ ः प्रा. शिवराज मोटेगावकर संचलित ‘आरसीसी’च्या विद्यार्थ्यांनी ‘नीट’ परीक्षेत मोठे यश मिळविले. एकाच इन्स्टिट्यूटमधून ६०० पेक्षा जास्त गुण घेणारे २३५ हून अधिक तर ५०० पेक्षा जास्त गुण घेणारे ११०० पेक्षा जास्त विद्यार्थी आहेत.
यंदाही नीट परीक्षेच्या निकालात ‘आरसीसी’च्या चार विद्यार्थ्यांना ७२० पैकी ७०० पेक्षा अधिक गुण मिळाले. यामध्ये सायली महिंद्रकर आणि पलक शहा यांना ७२० पैकी ७०५ तर शिवम माहूरे आणि आदित्य शेटकर यांनी ७०० गुण मिळवत उत्तुंग यश संपादन केले. गेल्या २३ वर्षांपासून उज्ज्वल निकालाची परंपरा असलेल्या ‘आरसीसी’च्या शिलेदारांनी यंदाही निकालात मानाचा तुरा रोवला आहे. दरम्यान, आरसीसी शैक्षणिक संकुलाचे संचालक प्रा. शिवराज मोटेगावकर यांनी सर्व भावी डॉक्टरांना पुढील उज्ज्वल करियरसाठी शुभेच्छा दिल्या.
‘नीट-२०२३’चा निकाल नुकताच जाहीर झाला. यात आरसीसीच्या विद्यार्थ्यांचा निकाल पाहून आरसीसीच्या लातूर, नांदेड, छत्रपती संभाजीनगर, कोल्हापूर, अकोला, पिंपरी-चिंचवड व पुणे (एफ. सी.रोड) या सातही शाखांत फटाके फोडत विद्यार्थ्यांनी जल्लोष केला.