‘आर्यन्स सन्मान चित्रपट-नाटक’ पुरस्कारांची घोषणा २७ नोव्हेंबरला

पुणे, ता. १७ ः ‘आर्यन्स सन्मान चित्रपट-नाटक २०२४’ पुरस्कार सोहळ्याची नामांकने २७ नोव्हेंबर रोजी घोषित करण्यात येणार आहेत. हा कार्यक्रम सायंकाळी साडेसहा वाजता कर्वेनगर येथील डी. पी. रस्ता, केशव बाग येथे पार पडणार आहे.
‘आर्यन्स सन्मान चित्रपट-नाटक २०२४’ पुरस्कार सोहळ्यामध्ये एकूण २३ विभागांमध्ये मराठी चित्रपटांना पुरस्काराने सन्मानित करण्यात येणार आहे. नाट्य विभागात १६ पुरस्कार दिले जाणार आहेत. १ जून २०२३ ते ३१ मे २०२४ या कालावधीत प्रदर्शित किंवा सेन्सॉर झालेल्या मराठी व्यावसायिक आणि प्रायोगिक नाटकांना तसेच चित्रपटांना पुरस्कार सोहळ्यात प्रवेश देण्यात आला आहे.
यावेळी कर्तृत्वाच्या बळावर समाजाला नवी दिशा देण्याचे काम करणाऱ्या नवदुर्गांना ‘आर्यन्स नवदुर्गा सन्मान पुरस्कार’ प्रदान करण्यात येणार आहे. यामध्ये आरती बनसोडे, सायली पिलाणे, सिस्टर लुसी कुरियन, पूजा धुरी, ताराबाई पवार, तेजस्वी सेवेकरी, ज्योती सचदा, आदिती स्वामी, अहिल्याबाई बर्डे यांची निवड करण्यात आली आहे.