स्कूलिंपिक फुटबॉल मुले

पवार पब्लिक स्कूलचा आठ गोलांचा पाऊस
सिंहगड स्प्रींगडेलचाही पाच गोलांसह दणदणीत विजय
पुणे, ता. १९ ः पूनावाला फिनकॉर्प प्रस्तुत सकाळ स्कूलिंपिक्समधील फुटबॉल स्पर्धेत मुलांच्या गटात हिंजवडीच्या पवार पब्लिक स्कूलने तब्बल आठ गोलांचा पाऊस पाडला. बावधनच्या सूर्यदत्ता नॅशनलविरुद्ध या संघाने ही कामगिरी केली.
पाषाणमधील एनसीएल मैदानावर पवार पब्लिक स्कूलने दोन्ही सत्रांत प्रत्येकी चार गोल केले. अन्य एका सामन्यात सिंहगड स्प्रींगडेल संघानेही दणदणीत विजय नोंदविला. त्यांनी भोसरीच्या मास्टरमाईंड ग्लोबलविरुद्ध पाच गोल नोंदविले. अथर्व पाटील आणि ऋषभ राणे यांनी प्रत्येकी दोन गोल केले. संघाच्या विजयात नील उमराणी यानेही उपयुक्त योगदान दिले. संघाच्या दोन गोलांमध्ये त्याचे पास निर्णायक ठरले.
निकाल
पवार पब्लिक स्कूल, हिंजवडी ः ८ (शेन ६वा मिनिट, २६, श्रीराम ८, ३४, आदित्य झा ९, सोहम जांबळे १७, संभाजी ३०, आदम्य ३२) विवि सूर्यदत्ता नॅशनल, बावधन ः ०. सिंहगड स्प्रींगडेल, आंबेगाव बुद्रूक ः ५ (अथर्व पाटील ४, १७, ऋषभ राणे १०, १९, संकल्प बनकर २५) विजयी विरुद्ध मास्टरमाईंड ग्लोबल इंग्लिश, भोसरी ः ०. ढोले पाटील स्कूल फॉर एक्सलन्स, खराडी ः २ (सक्षम निचत २८, ४०) विवि सेंट मॅथ्यूज अॅकॅडमी, उरुळीकांचन ः ०. श्री चैतन्य टेक्नो स्कूल, वाघोली ः १ (आरुष बिश्वास १) विवि डॅफोडील इंटरनॅशनल, बालेवाडी ः ०. रसिकलाल एम. धारिवाल इंटरनॅशनल स्कूल, चिंचवड ः २ (अथर्व दुब्बेवार ८, ११) विवि सीइएस विलू पुनावाला इंग्लिश, कॅम्प ः ०. संस्कार प्रायमरी, दौंड पुढे चाल विरुद्ध विबग्योर, बालेवाडी. आदित्य इंग्लिश, बाणेर ः २ (अलोक शिवशरण १२, रितेश बिजर्नीया ३९) विवि विश्वभारती इंग्लिश, धायरी ः ०. लोकसेवा, पाषाण ३ (आयुष मेणेकारे १, ऋग्वेद रेगे ३, ध्रुव कामत २९) विवि श्री शिवाजी प्रिपरेटरी मिलीटरी स्कूल, शिवाजीनगर १ (सार्थक पवार ३९).
-----­­