पर्यटन बस सेवेला उत्स्फूर्त प्रतिसाद

पुणे, ता. ७ ः ‘पीएमपी’च्या पुणे दर्शन आणि पर्यटन बस सेवेला प्रवाशांचा चांगला प्रतिसाद लाभत आहे. पुणे दर्शनाच्या तुलनेत पर्यटन बस सेवेला चांगला प्रतिसाद मिळाला. ऑक्टोबर व नोव्हेंबरच्या पुणे दर्शनमधून एक लाख ९८ हजार रुपयांचे उत्पन्न प्राप्त झाले, तर पर्यटन बस सेवेतून दोन लाख ७७ हजार रुपयांचे उत्पन्न प्राप्त झाले. ‘पुणे दर्शन’ आणि ‘पर्यटन बस’ सेवा वातानुकूलित ई-बसेसव्दारे प्रत्येक आठवड्याच्या शनिवार, रविवार, सार्वजनिक सुट्टी आणि इतर दिवशी बस सेवा उपलब्ध करून देण्यात आली आहे. १५ ते २० प्रवाशांनी बुकिंग केल्यास कोणत्याही दिवशी बस सोडण्यात येते, अशी माहिती ‘पीएमपी’ प्रशासनाने दिली.