वारकऱ्यांची सेवा करणारे पंढरीचे ‘वारीवीर’

वारकऱ्यांची सेवा करणारे पंढरीचे ‘वारीवीर’

पुणे, ता. १ : ‘‘ज्ञानोबा-तुकोबांची पालखी खांद्यावर घेऊन टाळ-मृदंगाच्या नादात, विठू नामाच्या गजरात पंढरीच्या दिशेने निघालेल्या लाखो वारकऱ्यांची सेवा करण्याचे भाग्य आपल्याला मिळत आहे. पायी वारीत चालून थकलेल्या वारकऱ्यांना आरोग्य सेवा पुरविण्याचा हा उपक्रम स्तुत्य आहे. वारकऱ्यांची सेवा करणारे आपण सर्वजण पंढरीचे ‘वारीवीर’ आहात,’’ अशी भावना राज्याचे माजी मुख्य सचिव रत्नाकर गायकवाड यांनी व्यक्त केली.
सिंबायोसिस विद्यापीठ रुग्णालय आणि संशोधन केंद्र, सिंबायोसिस आंतरराष्ट्रीय विद्यापीठ आणि शीला राज साळवे मेमोरिअल ट्रस्ट यांच्यावतीने संत ज्ञानेश्वर महाराज आणि संत तुकाराम महाराज पालखी सोहळ्यानिमित्त वारकऱ्यांसाठी फिरता दवाखाना उपक्रमाचा शुभारंभ करण्यात आला.
या उपक्रमांतर्गत यंदा दहा सुसज्ज रुग्णवाहिका, पाच दुचाकी रुग्णवाहिका आणि तीनशेहून अधिक डॉक्टर, परिचारिका आणि स्वयंसेवकांचा गट वारीत सेवा करत आहे. या उपक्रमाच्या उद्‌घाटनप्रसंगी पुणे महापालिका आयुक्त डॉ. राजेंद्र भोसले, ‘सिंबायोसिस’चे संस्थापक-अध्यक्ष डॉ. शां. ब. मुजुमदार, विश्वस्त संजीवनी मुजुमदार, प्रधान संचालिका डॉ. विद्या येरवडेकर, अधिष्ठाता डॉ. राजीव येरवडेकर, ट्रस्टचे संस्थापक, माजी नगरसेवक ॲड. अविनाश साळवे, परिवहन अधिकारी अनिल वळीव, अँड. नीलेश निकम आदी उपस्थित होते.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com