महिलेशी असभ्य वर्तन;
कंपनी मालकावर गुन्हा

महिलेशी असभ्य वर्तन; कंपनी मालकावर गुन्हा

पुणे, ता. ४ ः महिला व्यवस्थापकाशी वारंवार जवळीक साधण्याचा प्रयत्न करून तिच्यासोबत असभ्य वर्तन करणाऱ्या कंपनी मालकाविरुद्ध गुन्हा दाखल करण्यात आला आहे. कोरेगाव पार्क परिसरात आणि कंपनीच्या बाहेर ५ मार्चपासून ३ जूनपर्यंत वेळोवेळी हा प्रकार घडला. याबाबत २६ वर्षीय तरुणीने कोरेगाव पार्क पोलिस ठाण्यात फिर्याद दिली. यावरून मुकेश नयनमल कलानी (रा. शहनशाह सोसायटी, कोरेगाव पार्क) याच्यावर गुन्हा दाखल झाला आहे.
पोलिसांनी दिलेल्या माहितीनुसार, आरोपी मुकेश कलानी याची कोरेगाव पार्क परिसरात रिटेल कंपनी आहे. फिर्यादी या कंपनीत वरिष्ठ कॉर्पोरेट व्यवस्थापक पदावर काम करतात. आरोपीने फिर्यादी यांना वारंवार संपर्क साधून त्यांच्यासोबत जवळीक साधण्याचा प्रयत्न केला. तसेच फिर्यादी राहत असलेल्या पत्त्यावर भेट वस्तू पाठवल्या. त्या जिममध्ये जात असताना व तिथून घरी परत जात असताना आरोपीने सतत पाठलाग केला. ऑफिसच्या कामानिमित्त केबिनमध्ये बोलावून अश्लील स्पर्श करून जवळीक साधून स्त्री मनास लज्जा उत्पन्न होईल, असे कृत्य केले. फिर्यादी यांना संपर्कात राहा व वेळोवेळी भेटत जा, नाहीतर माझ्याकडे असलेले पार्टीचे व तुझ्यासोबतचे फोटो व्हायरल करेन, अशी धमकी दिल्याचे फिर्यादीत नमूद केले आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com