पुणे लोहमार्ग पोलीस भरतीची रविवारी लेखी परिक्षा

पुणे लोहमार्ग पोलीस भरतीची रविवारी लेखी परिक्षा

पुणे, ता. ५ : पुणे लोहमार्ग पोलिस विभागाने घेतलेल्या पोलिस भरती प्रक्रियेअंतर्गतची लेखी परीक्षा रविवारी (ता. ७) होणार आहे. या परीक्षेसाठी पात्र ठरलेल्या उमेदवारांनी दिलेल्या वेळेत परीक्षेसाठी उपस्थित राहावे, असे आवाहन पुणे लोहमार्ग पोलिस विभागाचे पोलिस अधीक्षक तुषार दोशी यांनी केले आहे.
पुणे लोहमार्ग पोलिस विभागाच्या पोलिस भरती प्रक्रियेच्या पुढील टप्प्याची माहिती पोलिस अधीक्षक तुषार दोशी यांनी पत्रकार परिषदेत दिली. पुणे लोहमार्ग पोलिस विभागातर्फे पोलिस शिपाई पदावरील ५० जागांसाठी भरती प्रक्रिया राबविली होती. त्यासाठी तीन हजारांहून अधिक अर्ज आले होते. त्यापैकी १६०० जण मैदानी चाचणीत पात्र ठरले होते. या उमेदवारांपैकी मैदानी चाचणी, गुणवत्ता यादी, जात प्रवर्गनिहाय व समांतर आरक्षणानुसार एकास दहा याप्रमाणे ३८३ जणांची लेखी परीक्षेसाठी निवड करण्यात आली आहे. संबंधित उमेदवारांच्या नावांची यादी punerailwaypolice.gov.in या संकेतस्थळावर उपलब्ध आहे. उमेदवारांनी सकाळी 7 वाजता परीक्षेच्या ठिकाणी हजर राहायचे आहे. परीक्षेसाठी आवश्‍यक साहित्य लोहमार्ग पोलिसांकडून दिले जाणार आहे. त्यामुळे पेन, पेन्सिल व अन्य कोणतेही साहित्य उमेदवारांनी आणू नये, असे आवाहनही दोशी यांनी केले आहे.

लेखी परीक्षेची माहिती
कधी - रविवार, ७ जुलै २०२४
कुठे - ए के न्यू लॉ ॲकॅडमी अँड पीएचडी रिसर्च सेंटर, २३९०, के. बी. हिदायतुल्ला रोड, आझम कॅम्पस, पुणे - ४११००१

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com