अन्न पुरवठा कार्यालयांत
पन्नास टक्के पदे रिक्त

अन्न पुरवठा कार्यालयांत पन्नास टक्के पदे रिक्त

सकाळ वृत्तसेवा
पुणे, ता. ६ : पुणे जिल्हा आणि शहर अन्नधान्य वितरण कार्यालय अशा दोन्ही कार्यालयांसाठी २०९ पदे मंजूर आहेत. त्यापैकी पन्नास टक्क्यांहून जास्त म्हणजे तब्बल ११० पदे रिक्त आहेत. अन्न न नागरी पुरवठा मंत्री छगन भुजबळ यांनी रिक्तपदांबाबतची विधिमंडळात माहिती दिली.
पुणे जिल्ह्यात अंत्योदय अन्न योजना, प्राधान्य कुटुंब लाभार्थी योजना मिळून एकूण नऊ लाख ६१ हजार २८२ शिधापत्रिकाधारक आहेत. खात्याच्या आकृतीबंधाबाबत शासन शुद्धीपत्रक १५ डिसेंबर २०२२ नुसार जिल्हा पुरवठा कार्यालयात १३३, तर शहर अन्नधान्य वितरण कार्यालयात ७६ अशी एकूण २०९ पदे मिळून पुणे जिल्ह्यासाठी मंजूर करण्यात आली आहेत. सद्य:स्थितीत जिल्हा पुरवठा कार्यालयात ५९, तर शहर अन्नधान्य वितरण कार्यालयात ४० असे ९९ अधिकारी-कर्मचारी कार्यरत आहेत. पुरवठा विभागाची ५० टक्के पदे रिक्त असल्याचे आणि मंजूर पदांपेक्षा प्रत्यक्षात कमी पदे भरल्याची बाब खरी आहे, असेही आमदारांनी विचारलेल्या प्रश्‍नांवर माहिती देताना भुजबळ यांनी सांगितले.
---------

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com