गुंतवणुकीच्या आमिषाने महिलेला सहा लाखांचा गंडा

गुंतवणुकीच्या आमिषाने महिलेला सहा लाखांचा गंडा

पुणे, ता. ७ : सायबर चोरट्यांनी शेअर बाजारात गुंतवणुकीच्या आमिषाने एका महिलेची पाच लाख ८५ हजार रुपयांची फसवणूक केली. या प्रकरणी विमानतळ पोलिसांनी सायबर चोरट्यांविरुद्ध गुन्हा दाखल केला आहे.
तक्रारदार महिला लोहगाव भागात राहायला आहे. एप्रिल महिन्यात सायबर चोरट्यांनी महिलेच्या मोबाईलवर संपर्क साधला. शेअर बाजारात गुंतवणूक केल्यास चांगला परतावा मिळेल, असे आमिष दाखविले होते. चोरट्यांनी महिलेला एका बँक खात्यात पैसे जमा करण्यास सांगितले. महिलेने ऑनलाइन पद्धतीने पैसे जमा केल्यानंतर चोरट्यांनी महिलेला परतावा मिळाल्याचे भासविले. तसा संदेश महिलेच्या मोबाईलवर पाठविला. महिलेने परतावा बँक खात्यात जमा करण्यास सांगितले. तेव्हा चोरट्यांनी टाळाटाळ सुरू केली. चोरट्यांनी त्यांचे मोबाईल क्रमांक बंद केले. फसवणूक झाल्याचे लक्षात आल्यानंतर महिलेने तक्रार दिली. गुन्हे शाखेचे पोलिस निरीक्षक सर्जेराव कुंभार तपास करत आहेत.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com