‘गीतों का सफर’ला उत्स्फूर्त प्रतिसाद

पुणे, ता. ४ ः महेश प्रोफेशनल फोरम प्रेशियस डायमंड्स व गोल्डन एरा या माहेश्वरी समाजातील ज्येष्ठ नागरिकांच्या ग्रुपद्वारे आयोजित गायक जितेंद्र भुरुक यांचा ‘गीतों का सफर’ या आर्केस्ट्राने रसिकांचे नुकतेच दिलखुलास मनोरंजन केले.
या कार्यक्रमाच्या खर्चातून उरलेली रक्कम गरजू व होतकरू विद्यार्थ्यांच्या उच्च शिक्षणासाठी खर्च करण्यात येईल, अशी घोषणा दोन्ही ग्रुपचे अनुक्रमे अध्यक्ष पुष्पा तोष्णीवाल व गणेश भट्टड यांनी सांगितले. हा कार्यक्रम यशस्वी करण्यासाठी दोन्ही ग्रुपचे प्रकल्प प्रमुख सत्यनारायण मुंदडा व ममता तापडिया यांनी कार्यकर्त्यांसह प्रयत्न केले. या कार्यक्रमासाठी राजीव गांधी ॲकॅडमीचे सभागृह उपलब्ध करून दिले. माजी उपमहापौर आबा बागूल यांचे आभार मानण्यात आले.