विविध क्षेत्रातील मान्यवरांचा सत्कार

पुणे, ता. २४ : ‘‘अयोध्येतील प्रभू श्रीरामाचे मंदिर हे हिंदूंचे प्रेरणास्थान असून आपण रामराज्य आणण्यासाठी यापुढे आणखी जोमाने प्रयत्न करणार आहोत,’’ अशी भूमिका भाजपचे राष्ट्रीय सचिव सुनील देवधर यांनी व्यक्त केली.

यशोधन नागरी सहकारी पतसंस्था आणि चौफेर प्रतिष्ठानतर्फे विविध क्षेत्रांतील मान्यवरांचा बालगंधर्व रंगमंदिरात आयोजित कार्यक्रमात देवधर यांच्या हस्ते सत्कार केला. माजी नगरसेवक हेमंत रासने, गायत्री खडके, पतसंस्थेचे अध्यक्ष अविनाश आपटे, ‘चौफेर’चे अध्यक्ष ज्ञानेश्वर पासलकर, श्री यशोधन पतसंस्थेचे सचिव राहुल भाटे, आशा क्षीरसागर, गौरव बापट, कुणाल टिळक, वृंदा जोशी, प्राची डोळे, रामचंद्र मेथे उपस्थित होते. विविध क्षेत्रात भरीव योगदानासाठी रामचंद्र मेथे, देवांश घाटे, वृंदा जोशी आणि प्राची डोळे यांचा विशेष सन्मान करण्यात आला. तसेच माउली वृद्धाश्रमाला आर्थिक मदतही देण्यात आली.