‘सिंबायोसिस’तर्फे आजपासून ‘सिमहेल्थ’

पुणे, ता. २५ ः सिंबायोसिस आंतरराष्ट्रीय विद्यापीठाच्या वैद्यकीय व आरोग्य विज्ञान विद्या शाखेतर्फे आरोग्य सेवा या विषयावर ‘सिमहेल्थ’ या राष्ट्रीय परिषदेचे आयोजन करण्यात आले आहे. सिंबायोसिस आंतरराष्ट्रीय विद्यापीठाच्या लवळे कॅम्पस येथे शुक्रवारी (ता. २६) या परिषदेचे उद्‍घाटन होणार आहे. शनिवारी (ता. २७) दुपारी दोन वाजून ४५ मिनिटांनी समारोप होणार आहे. राज्याचे मुख्य सचिव डॉ. नितीन करीर यांची यावेळी प्रमुख उपस्थिती असेल. कार्यक्रमाच्या अध्यक्षस्थानी डॉ. शां. ब. मुजुमदार, संस्थापक अध्यक्ष, सिंबायोसिस यांची उपस्थिती असणार, अशी माहिती डॉ. राजीव येरवडेकर यांनी पत्रकार परिषदेत दिली.
‘सस्टेनेबल हेल्थकेअर सिस्टीम फॉर पॉप्युलेशन अँड प्लॅनेट हेल्थ’ ही ‘सिमहेल्थ’ची यंदाची संकल्पना आहे. जगात आरोग्यसेवेची उपलब्धता, सुलभता, परवडणारी क्षमता आणि गुणवत्ता सुधारण्यासाठीच्या प्रयत्नांवर यावेळी चर्चा केली होणार आहे. वैद्यकीय क्षेत्रांशी संबंधित तसेच आरोग्य सेवा देणाऱ्या संस्थेशी संदर्भात असलेले सुमारे १२०० व्यक्तींचा यावेळी सहभाग असणार आहे.