विचारपूर्वक मतदान करा

विचारपूर्वक मतदान करा
नवमतदार प्रतिक्रिया :

‘‘धर्माधर्मांत वाढणारी तेढ, पक्षांनी एकमेकांची उणीदुणी काढणे, आरोप-प्रत्यारोप, आचारसंहितेच्या नियमांचे उल्लंघन करणे, अशा घटनांमध्ये दिवसेंदिवस वाढ होताना दिसते आहे. या सर्व गोष्टींचा नीट अभ्यास करून मत द्यायचे ठरवले आहे. मूलभूत गरजांकडे लक्ष देऊ शकणाऱ्या आणि नवनवीन योजना राबवू शकणाऱ्या व भारत महासत्ता होण्यासाठी पाऊल टाकणाऱ्या लोकप्रतिनिधीला निवडून देण्याकडे प्राधान्य असेल.’’
- कृष्णा खडके

‘‘एखादा उमेदवार किंवा पक्ष यासाठी नव्हे, तर लोकशाहीसाठी युवकांनी मतदान करायला हवे. नेहमी आपण युवकांच्या समस्या मांडत असतो, तर यावेळी आपले मत हेच त्यावरचा उपाय आहे. त्यामुळे विचारपूर्वक मतदान करा.’’
- नेहा गवळी

‘‘१८ वर्षे पूर्ण झालेल्या प्रत्येक नागरिकाला मतदानाचा हक्क दिला आहे. मतदान करणे हीदेखील देशसेवाच आहे. भारतीय लोकशाहीने प्रत्येक सुजाण नागरिकाला मतदानाचा मूलभूत हक्क बहाल केला आहे. त्यामुळे मतदार यादीत नाव नोंदवून प्रत्येक नागरिकाने मतदान करून लोकशाही बळकट करावी.
- राहुल पाटील