सुधीर फाकटकर यांच्या पुस्तकाचे प्रकाशन

पुणे, ता. १४ ः विज्ञान लेखक सुधीर फाकटकर लिखित आणि मनोविकास प्रकाशनातर्फे प्रकाशित ‘युगकर्ता शास्त्रज्ञ शांतिस्वरूप भटनागर’ हे पुस्तक नुकतेच प्रकाशित करण्यात आले. या वेळी नारायणगावच्या पुस्तकमार्केट यांच्यातर्फे ‘माणसाचे चंद्रभूमीवरील पहिले पाऊल’ या ध्वनीपुस्तकाचेही (ऑडिओ बुक) प्रकाशन करण्यात आले.
राष्ट्रीय तंत्रज्ञान दिनाचे औचित्य साधून आयोजित पुस्तक प्रकाशनाच्या कार्यक्रमाप्रसंगी ज्येष्ठ कृषीतज्ज्ञ अनिल मेहेर, मनोविकास प्रकाशनचे संचालक अरविंद पाटकर, ज्येष्ठ संपादक-पत्रकार महावीर जोंधळे, सर्पदंश उपचारतज्ज्ञ डॉ. सदानंद राऊत, नारायणगाव महाविद्यालयाचे प्राचार्य डॉ. आनंद कुलकर्णी, समीक्षक डॉ. मिलिंद कसबे, लेखक सुधीर फाकटकर आदी उपस्थित होते. कार्यक्रमाचे सूत्रसंचालन रूपाली जगताप यांनी केले. ‘पुस्तकमार्केट’च्या संचालिका वैशाली कसबे यांनी आभार मानले.