अभय योजना राबविण्याची
आयुक्तांकडे मागणी

अभय योजना राबविण्याची आयुक्तांकडे मागणी

पुणे, ता. १४ : मिळकतकर विभागाच्या थकबाकीचा फुगवटा ९ हजार कोटींपर्यंत गेला आहे. मूळ कराच्या मागणीपेक्षा दंडाची रक्कम जास्त झाली आहे. महापालिका प्रशासनाने अभय योजना राबवून ही थकबाकी वसूल करावी, अशी मागणी माजी नगरसेवक विशाल धनवडे यांनी महापालिका आयुक्त डॉ. राजेंद्र भोसले यांच्याकडे केली आहे.
पुणे शहरात एकूण १४ लाख मिळकती असून, त्यापैकी ८ लाख मिळकतींची थकबाकी ९ हजार कोटी रुपये आहे. ही रक्कम वसूल होत नसल्याने त्यावर दरमहा २ टक्के शास्ती लावली जात असल्याने दरवर्षी या रकमेत मोठी वाढ होत आहे. सध्या ९ हजार कोटींपैकी मूळ कराची रक्कम ३ हजार ७०० कोटी आहे. तर दंडाची रक्कम ५ हजार ३०० कोटी आहे. यापूर्वी महापालिकेने २०१५-१६, २०१६-१७, २०२०-२१, २०२१-२२ या वर्षांत अभय योजना राबविली होती. आता प्रशासनाने २०२४-२५ या वर्षात अभय योजना राबवून थकबाकी वसूल करावी. त्यामुळे महापालिकेचाही फायदा होईल, असे धनवडे यांनी निवेदनात नमूद केले आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com