वंचित विकासतर्फे शनिवारी ‘अभया’चा दशकपूर्ती सोहळा

पुणे, ता. २१ ः वंचित विकास संस्थेतर्फे संचालित ‘अभया’ या एकल महिला मैत्रीगट चळवळीचा दशकपूर्ती सन्मान सोहळा शनिवारी (ता. २५) आयोजित करण्यात आला आहे. कर्वे रस्त्यावरील अश्वमेध हॉल येथे सायंकाळी ५ वाजता हा कार्यक्रम होणार असल्याची माहिती ‘वंचित विकास’च्या कार्यवाह संचालक मीना कुर्लेकर यांनी मंगळवारी पत्रकार परिषदेत दिली. याप्रसंगी संचालिका सुनीता जोगळेकर, मीनाक्षी नवले आदी उपस्थित होते. या कार्यक्रमात सुनीता बनकर, मिलिंद लबडे, दैवशाला थोरबोले, शोभा वाईकर, वंदना अवघडे यांना ‘अभया सन्मान’ प्रदान करण्यात येणार असून दीपिका जंगम यांचा विशेष सन्मान केला जाणार आहे. यावेळी उन्मेष प्रकाशनच्या संचालक मेधा राजहंस, निवेदक, लेखिका माधुरी ताम्हणे उपस्थित राहणार आहेत.