‘शाइन १००’ मॉडेलचा पहिला वर्धापनदिन साजरा

नवी दिल्ली, ता. २३ : होंडा मोटरसायकल अँड स्कूटर इंडिया (एचएमएसआय) या देशातील आघाडीच्या दुचाकी उत्पादक कंपनीच्या ‘शाइन १००’ या मॉडेलचा पहिला वर्धापन दिन नुकताच साजरा झाला. लाँच झाल्यानंतरच्या पहिल्या वर्षातच ‘शाइन १००’ने सर्वसामान्यांची मन जिंकत भारतातील एंट्री लेव्हल मोटरसायकल क्षेत्रात सर्वाधिक पसंतीच्या मोटरसायकलचे स्थान मिळवले आहे. ही कामगिरी साजरी करण्यासाठी ‘एचएमएसआय’ने देशातील विविध शहरांमध्ये ‘शाइन १००’साठी भव्य वितरण कार्यक्रम आयोजित केला आहे.
आतापर्यंत ‘शाइन १००’च्या तीन लाख युनिट्सची विक्री झाली असून ‘एचएमएसआय’ने आर्थिक वर्ष २०२४ च्या १००-११० सीसी विभागात लक्षणीय प्रगती नोंदवली आहे. पहिल्यांदाच मोटरसायकल खरेदी करणाऱ्यांची या गाडीला सर्वाधिक पसंती मिळत आहे.
मोटरसायकल अँड स्कूटर इंडियाचे व्यवस्थापकीय संचालक, अध्यक्ष आणि मुख्य कार्यकारी अधिकारी त्सुनामी ओतानी म्हणाले, ‘‘होंडा शाइन १०० ने ग्राहकांनी दिलेल्या भरभरून प्रतिसादात पहिले वर्ष पूर्ण केल्याचे जाहीर करताना आम्हाला आनंद होत आहे. ही मोटरसायकल होंडाची असामान्य मूल्य आणि खरेदीचा सहजसोपा अनुभव देण्याची बांधीलकी दर्शविणारा आहे.’’