निकोप मतदान करा

निकोप मतदान हे सशक्त लोकशाहीचे द्योतक आहे. मात्र, काही लोक पाचशे-हजार रुपयांसाठी आपले मतदान विकत एक प्रकारे लोकशाहीलाच धोका निर्माण करत आहेत. आपलं मतदान हे आपलंच राहिले पाहिजे. यासाठी स्वाभिमानाने आणि जागरूकतेने सर्वांनी मतदान करावे.
- मुक्तीराम नाईक

लोकशाहीमध्ये मतदान खूप महत्त्वाचे आहे. देशाची स्थिती बघता सुशिक्षित वर्गाने निवडणुकीमध्ये सहभाग व तसेच मोठ्या प्रमाणात मतदान करायला हवे. पाच वर्षांचे देशाचे धोरण आणि विकास आपल्या एक मतावर ठरणार आहे. चांगल्या लोकप्रतिनिधीला मतदान करा.
- ओंकार डोंबे

सार्वत्रिक लोकसभा निवडणुकीतील माझे हे पहिलेच मतदान आहे. लोकशाहीत मतदान हा अनमोल अधिकार असून, थेट सरकार निवडण्याच्या संधीबरोबरच आपले भविष्य ठरविण्याची ही संधी आहे.
- अथर्व लोंढे

लोकशाहीमध्ये मतदाराला राजा म्हटले आहे. आज जग खूप वेगाने पुढे जात आहे. त्यामुळे आपल्याला जर आपल्या मतदारसंघाचा आणि परिणामी भारताचा विकास करायचा असेल, तर आपले लोकप्रतिनिधी कार्यक्षम असणे गरजेचे आहे. त्यांना निवडण्याची हीच संधी आहे.
- सोपान घाडगे