निवडणूक कर्मचाऱ्यांची प्रथमच लेखी परीक्षा

निवडणूक कर्मचाऱ्यांची प्रथमच लेखी परीक्षा

पुणे, ता. ३ : केंद्रीय निवडणूक आयोगाच्या सूचनेनुसार लोकसभेच्या निवडणुकीसाठी यंदा प्रथमच निवडणूक कर्मचाऱ्यांसाठी लेखी परीक्षा घेण्यात आली. निवडणुकीचे दुसरे प्रशिक्षण झाल्यानंतर ही परीक्षा घेण्यात आली. ५० गुणांच्या लेखी परीक्षेमध्ये मतदानाच्या दिवशी केले जाणारे कामकाज व त्याची पूर्वतयारी यांबाबत प्रश्न विचारण्यात आले होते.
केंद्रीय निवडणूक आयोगाकडून निवडणूक निर्णय अधिकारी यांचे प्रशिक्षण झाल्यानंतर त्यांचीसुद्धा परीक्षा घेतली जाते. त्याच धर्तीवर प्रत्यक्ष मतदानाच्या दिवशी उपस्थित असणाऱ्या अधिकारी-कर्मचाऱ्यांसाठी यंदा पहिल्यांदाच लेखी परिक्षेचे आयोजन करण्यात येत आहे. ही परीक्षा ५० गुणांची असून ३८ गुण मिळाले की तो कर्मचारी उत्तीर्ण होतो. ही प्रश्नपत्रिका बहुपर्यायी स्वरूपाची आहे. जर कमी गुण मिळाले तर अशा कर्मचाऱ्यांना पुन्हा प्रशिक्षण दिले जाते. त्यानंतर पुन्हा परीक्षा घेतली जाते. ऑनलाइन आणि ऑफलाइन अशा दोन्ही पद्धतीने ही परीक्षा देण्याची सुविधा जिल्हा प्रशासनाने दिली आहे. जिल्ह्यातील चारही लोकसभा मतदारसंघासाठी सुमारे ७० हजार कर्मचारी असून या सर्वांची परीक्षा घेण्यात येत आहे.

प्रशिक्षणात काय झाले?
- पुणे लोकसभा मतदार संघासाठी नियुक्त कर्मचाऱ्यांचे प्रशिक्षण शिवाजीनगर येथील अभियांत्रिकी महाविद्यालयात झाले
- यावेळी मतदान केंद्रावर प्रत्यक्ष काम पाहणारे अधिकारी व कर्मचारी यांचे मतदान केंद्रावरील मतदानाच्या दिवशी करावयाच्या कामकाजाबाबतचे दुसरे प्रशिक्षण व ईव्हीएम व्हीव्हीपॅट मशिनची हाताळणी याचे प्रशिक्षण झाले
- हे दोन्ही प्रशिक्षण झाल्यानंतर निवडणूक कर्मचारी व अधिकारी यांची लेखी परीक्षा गुरुवारी घेण्यात आली
- उपजिल्हाधिकारी तथा पुणे लोकसभा मतदारसंघाचे सहाय्यक निवडणूक निर्णय अधिकारी दादासाहेब गीते यांनी उपस्थित अधिकारी व कर्मचाऱ्यांना प्रशिक्षण दिले


............

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com