गौड ब्राह्मण समाजातर्फे स्मरणिकेचे प्रकाशन

पुणे, ता. २८ : कुडाळदेशकर गौड ब्राह्मण समाजातर्फे आयोजित कार्यक्रमात समाजाच्या स्मरणिकेचे प्रकाशन नुकतेच झाले. यावेळी अभिनेते प्रसाद पंडित, तालगुरू पं. सुरेश सामंत, दिग्दर्शक-संगीतकार अजय नाईक, मनीष दाभोलकर, आंतरराष्ट्रीय बुद्धिबळपटू मिलिंद सामंत, अनुराधा खानोलकर, प्रकाशक नितीन हिरवे उपस्थित होते. पंडित म्हणाले, ‘‘एकत्र येऊन सर्वांचे स्मरण व्हावे म्हणून स्मरणिका काढली आहे.’’ नाईक म्हणाले, ‘‘माणसं एकत्र येण्यासाठी अशी स्मरणिका आणि अशा समारंभाची गरज आहे.’’ स्मरणिकेचे संपादन संस्थेचे अध्यक्ष नारायण खानोलकर, सचिन सामंत, डॉ. पूजा सामंत, योगेश सामंत यांनी केले आहे. सिया सामंत, डॉ. सामंत व नेरुरकर यांनी सूत्रसंचालन केले.