मराठी माझा अभिमानतर्फे १९ ऑक्टोबरला दिवाळी पहाट

पुणे, ता. ९ ः मराठी संस्कृती आणि मराठी भाषेच्या संवर्धनासाठी कार्यरत असलेल्या मराठी माझा अभिमान असोसिएशनतर्फे ‘सूरमयी दिवाळी पहाट’ कार्यक्रमाचे आयोजन केले आहे. १९ ऑक्टोबरला सकाळी सहा वाजता विमाननगरमधील सिंबायोसिस सभागृहात ही मैफील होणार असल्याची माहिती असोसिएशनच्या उपाध्यक्षा अनिता लोखंडे यांनी गुरुवारी पत्रकार परिषदेत दिली. याप्रसंगी असोसिएशनच्या सचिव रेखा वाबळे, खजिनदार वृषाली मिरजगांवकर, सदस्य अश्विनी देसाई, ॲड. नीलिमा चव्हाण, स्नेहा सांडभोर, अनिता नेवे, मुक्ता जगताप आदी उपस्थित होत्या. या मैफिलीत हृषिकेश रानडे आणि प्राजक्ता रानडे यांचे गायन होणार आहे. या कार्यक्रमाला विनामूल्य प्रवेश आहे.