मानसिक आरोग्यासाठी पथनाट्याद्वारे जागृती

पुणे, ता. १० : वैद्यकीय शिक्षण व संचालनालयाच्‍या अंतर्गत असलेल्‍या महाराष्ट्र मानसिक आरोग्य संस्थेच्या वतीने जागतिक मानसिक आरोग्य दिनानिमित्त शुक्रवारी जंगली महाराज रस्‍ता येथे मानवी साखळी तसेच पथनाट्याचे आयोजन करण्यात आले होते. या उपक्रमाचा उद्देश समाजामध्ये मानसिक आरोग्याविषयी जनजागृती निर्माण करणे हा होता.
पथनाट्याद्वारे मानसिक आजारांविषयी असलेली भीती, गैरसमज आणि सामाजिक कलंक दूर करण्याचा प्रयत्न करण्यात आला. या कार्यक्रमास महाराष्ट्र मानसिक आरोग्य संस्थेचे संचालक डॉ. अजय चंदनवाले उपस्थित होते. त्यांनी मानसिक आरोग्याचे महत्त्व पटवून देत समाजातील प्रत्येक घटकाने या विषयाकडे संवेदनशीलतेने पाहण्याचे आवाहन केले.