अथर्व ग्रुपतर्फे भीमरूपी स्तोत्राचे अभ्यासवर्ग

पुणे, ता. ४ : अथर्व ग्रुपतर्फे पौड फाटा येथील अभिलाषा सभागृहात ‘भीमरूपी स्तोत्राच्या अभ्यासवर्गा’चे आयोजन केले होते. कार्यक्रमाची सुरुवात डॉ. सुरेश गरसोळे यांच्या हस्ते दीपप्रज्वलनाने झाली. प्रा. मुक्ता गरसोळे-कुलकर्णी यांनी स्तोत्राचे अर्थपूर्ण निरूपण करत शरीर आणि मनासाठी हनुमान उपासनेचे महत्त्व सांगितले. रामदास स्वामींच्या विचारांवर आधारित हनुमानाचे गुण स्मरणात ठेवून जीवन समृद्ध करण्याचे आवाहन या वेळी प्रा. कुलकर्णी यांनी केले. ‘शरण, शरण हनुमंता’ या गीताने कार्यक्रमाची सांगता झाली. कार्यक्रमाचे नियोजन तन्मय कुलकर्णी यांनी केले होते.