‘सीओईपी’त रंगणार जलक्रिडेचा थरार

पुणे, ता. १० : सीओईपी तंत्रज्ञान विद्यापीठाच्या बोट क्लबतर्फे ९७ वा रेगाटा उत्सव शनिवार (ता. १५) आणि रविवारी (ता. १६) आयोजित करण्यात आला आहे. ‘क्षितीजाच्या पलीकडे नौकानयन’ हे यंदाच्या उत्सवाचे ब्रीदवाक्य आहे. कयाक बॅलेट, शेल गेम्स, पंट फॉर्मेशन, टेली मॅचेस आणि मशाल नृत्य हे चित्तथरारक जलक्रीडा हे या उत्साहाचे खास आकर्षण आहे. पाण्यात रंगणारा जलक्रिडेचा थरार म्हणून ‘रेगाटा’ उत्सवाकडे पाहिले जाते. सीओईपीतील शंभरहून अधिक विद्यार्थी यात सहभागी होत आपला क्रिडा प्रकार सादर करतात.