संजीव फाउंडेशनतर्फे महिला पोलिसांचा सन्मान

पुणे, ता. १० : संजीव सोशल फाउंडेशनच्या वतीने महिला पोलिसांचा सन्मान करण्यात आला. मराठी संस्कृतीचे प्रतीक असलेली नथ आणि सन्मानपत्र देऊन १४५ महिला पोलिसांना सन्मानित करून त्यांच्याप्रती कृतज्ञता व्यक्त करण्यात आली.
संस्थेच्या संस्थापक अध्यक्षा छाया गदादे, कृष्णाजी कोकाटे, डॉ. आरती वाघोले, अश्विनी रासकर, वर्षा इनामदार, संग्राम कामठे, स्मिता लडकत, अपूर्वा लडकत, राजकुमार घुगे या वेळी उपस्थित होते. समर्थ पोलिस ठाणे, हडपसर पोलिस ठाणे, फुरसुंगी पोलिस ठाणे आणि उरुळी कांचन पोलिस ठाणे या ठिकाणी कार्यरत असलेल्या महिला पोलिस कर्मचाऱ्यांचा सत्कार आणि सन्मान करण्यात आला. कार्यक्रमाचे संयोजन श्रीकांत कांचन, स्मिता गायकवाड, गजानन चव्हाण, दीपाली माटे, सोनल कोद्रे, पूजा सणस, सुरज साळुंखे, कल्पना बिडकर आदींनी केले.