विधी सेवा, सरकारी योजनांचा सासवडमध्ये रविवारी महामेळावा

पुणे, ता. १२ ः समाजातील वंचित घटकांना कायदेविषयक सेवा आणि सरकारी योजनांचा लाभ मिळवून देत त्यांचे सक्षमीकरण करण्याच्या उद्देशाने पुणे जिल्हा विधी सेवा प्राधिकरणातर्फे रविवारी (ता. १६) सासवड येथील वाघिरे महाविद्यालयात विधी सेवा आणि सरकारी योजनांचा महामेळावा आयोजित केला आहे. सर्वोच्च न्यायालयाचे न्यायमूर्ती अभय ओक यांच्या हस्ते सकाळी साडेदहा वाजता या मेळाव्याचे उद्‍घाटन होणार आहे. मुंबई उच्च न्यायालयाच्या न्यायमूर्ती रेवती मोहिते डेरे, न्यायमूर्ती संदीप मारणे, न्यायमूर्ती आरिफ डॉक्टर, पुण्याचे प्रमुख जिल्हा न्यायाधीश महेंद्र महाजन उपस्थित राहणार आहेत. मेळाव्यात २४ सरकारी विभागांचे ७५ हून अधिक स्टॉल्स असून, १० हजार ९४० लाभार्थ्यांना पंतप्रधान आवास योजनेच्या अनुदानपत्रासह विविध सरकारी योजनांचा लाभ देण्यात येणार आहे. समाजातील सर्व घटकांनी या मेळाव्यात सहभागी व्हावे, असे आवाहन सचिव पाटील यांनी केले आहे.