राजगड गृहनिर्माण सोसायटीच्या संचालक मंडळाची निवडणूक

पुणे, ता. २५ : हडपसर येथील राजगड गृहनिर्माण सहकारी सोसायटीच्या संचालक मंडळाची पंचवार्षिक निवडणूक उत्साहात पार पडली. सोसायटीच्या नव्या संचालक मंडळासाठी ही निवडणूक घेण्यात आली होती. यामध्ये ३४० सदस्यांपैकी १९५ जणांनी मतदान केले.
यावेळी २७ उमेदवारांनी संचालक मंडळासाठी अर्ज भरले होते, त्यापैकी १७ उमेदवार निवडून आले. नवनिर्वाचित संचालकांमध्ये श्रीपाद जोशी, बालाजी कांबळे, सिद्धार्थ सिध्दुल, अतुल पाटील, रज्जाक शेख, चंद्रकांत जावळे, नीलम शिर्के, उषा चौधरी, जयश्री माळवदकर, छाया टेकवडे, पार्वती कुर्मे, सुर्यकांत भोसले, नरेंद्र अहिरे, दीपक मोरे, जान्हवी भोकरे, सुजाता सूर्यवंशी यांचा समावेश आहे. निवडणूक निर्णय अधिकारी म्हणून यशपाल मखरे यांनी जबाबदारी सांभाळली.