एमआयटी विद्यापीठाला पुणे फेस्टिव्हल करंडक

पुणे, ता. ४ : एमआयटी आर्ट, डिझाईन आणि टेक्नॉलॉजी विद्यापीठाच्या विद्यार्थ्यांनी सलग दुसऱ्यावर्षी ‘पुणे फेस्टिव्हल करंडक’ पटकावला. व्हॉइस ऑफ पुणे फेस्टिव्हल’ स्पर्धेच्या अंतिम फेरीत एमआयटी एडीटी विद्यापीठ आणि डी. वाय. पाटील महाविद्यालय, हे दोन संघ पोहोचले होते. त्यात एमआयटी एडीटी विद्यापीठाने विजेतेपद पटकावले.
अतिरिक्त आयुक्त (गुन्हे अन्वेषण) पंकज देशमुख, पुणे फेस्टिव्हलचे उपाध्यक्ष कृष्णकुमार गोयल, मुख्य संयोजक अॅड. अभय छाजेड यांच्या हस्ते विद्यार्थ्यांना करंडक प्रदान करण्यात आला. एमआयटी शिक्षण समूहाचे संस्थापक अध्यक्ष प्रा. डॉ. विश्वनाथ कराड, विद्यापीठाचे कार्याध्यक्ष आणि प्र-कुलपती प्रा. डॉ. मंगेश कराड, कुलगुरू प्रा. डॉ. राजेश एस., प्र-कुलगुरू प्रा. डॉ. रामचंद्र पुजेरी, डॉ. मोहित दुबे, कुलसचिव डॉ. महेश चोपडे, डॉ. अतुल पाटील यांनी सहभागी विद्यार्थ्यांचे अभिनंदन केले.