‘व्हीआयटी चेन्नई’चा दीक्षान्त समारंभ उत्साहात

चेन्नई, ता. ८ : शैक्षणिक क्षेत्रात सदैव अग्रेसर असलेल्या वेल्लोर इन्स्टिट्यूट ऑफ टेक्नॉलॉजी (व्हीआयटी) चेन्नईचा १३ वा वार्षिक दीक्षान्त समारंभ शनिवारी (ता. ६) मोठ्या उत्साहात पार पडला. या निमित्त आयोजित केलेल्या कार्यक्रमात प्रमुख पाहुणे म्हणून तमिळनाडूचे माहिती तंत्रज्ञान आणि डिजिटल सेवा मंत्री पलानिवेल त्यागराजन उपस्थित होते. त्यांनी गुणवंत विद्यार्थ्यांचा पदके देऊन आणि पीएच.डी.ची प्रमाणपत्रे देऊन गौरव केला.
पलानिवेल त्यागराजन यांनी जात-धर्म, लिंग ही सर्व बंधने मोडून सर्वांनी शिक्षण घेणे आवश्‍यक असल्याचे नमूद केले, तसेच, तरुणांनी आपला स्वतःचा मार्ग स्वतः निवडावा, असे आवाहनही त्यांनी केले. या वेळी पदवी, पदव्युत्तर पदवी आणि संशोधन क्षेत्रातील विद्यार्थी अशा एकूण ६,५८१ जणांना पदवी प्रमाणपत्र देण्यात आले. बांगलादेशचे उप उच्चायुक्त शैली सालेन यांची कार्यक्रमाला प्रमुख उपस्थिती होते. तसेच, ‘व्हीआयटी’चे संस्थापक आणि कुलपती डॉ. जी. विश्वनाथन आणि उपाध्यक्ष शंकर विश्वनाथन व डॉ. साल्वेम हेदेखील या वेळी उपस्थित होते.

फोटो ः 47872