‘जेएसपीएम’चा रविवारी पहिला दीक्षांत समारंभ

पुणे, ता. ८ : ‘जेएसपीएम’ विद्यापीठातर्फे पहिला दीक्षांत समारंभ रविवारी (ता. १४) सीझन २४, वाघोली येथे होणार आहे. या समारंभाला राष्ट्रीय शिक्षण तंत्रज्ञान मंचाचे अध्‍यक्ष प्रा. अनिल डी. सहस्रबुद्धे हे प्रमुख पाहुणे म्हणून उपस्थित राहणार आहेत, अशी माहिती ‘जेएसपीएम’ विद्यापीठाचे अध्यक्ष डॉ. रवी जोशी यांनी पत्रकार परिषदेत दिली. यावेळी, वि‌द्यापीठाचे कुलगुरू प्रा. बी. बी. आहुजा आणि वि‌द्यापीठाच्या प्रशासकीय मंडळ आणि शैक्षणिक परिषद सदस्य डॉ. अजित थेटे उपस्थित होते.
आहुजा म्हणाले, ‘‘पहिला दीक्षांत समारंभ आमच्या विद्यापीठासाठी एक ऐतिहासिक क्षण आहे. आमचे सर्व शैक्षणिक कार्यक्रम राष्ट्रीय शिक्षण धोरणाशी (एनईपी) सुसंगत आहेत. आमच्याकडे समाजाच्या सर्व स्तरातील विद्यार्थ्यांना प्रवेश दिल्याचा आम्हाला अभिमान आहे.’’ डॉ. जोशी यांनी म्हणाले की, जेएसपीएम’ समूह शिक्षणात २५ वर्षे उत्कृष्टतेचे पूर्ण करीत आहे. सध्‍या १० हजार विद्यार्थी आहेत. येणारा पहिला दीक्षांत समारंभ ‘जेएसपीएम’ विद्यापीठाच्या प्रवासात एक महत्त्वाचा टप्पा ठरेल, जो आमच्या वि‌द्यार्थ्यांच्या, प्राध्यापकांच्या आणि भविष्यासाठीच्या त्यांच्या दृष्टिकोनाचे महत्त्व अधोरेखित करेल.