पंजाब पूरग्रस्तांच्या मदतीसाठी आज शिबिर

पुणे, ता. ८ : पंजाबमधील पूरग्रस्तांना मदत करण्यासाठी मंगळवारी (ता. ९) सायंकाळी सहा वाजता कोंढव्यातील ज्योती हॉटेल येथे मदत शिबिराचे आयोजन केले आहे. पुणेकरांनी सहभागी होत पूरग्रस्तांना मदत करण्याचे आवाहन करण्यात आले आहे.
विविध सामाजिक आणि धार्मिक संस्थांच्या पुढाकाराने सोमवारी गणेश पेठेतील श्री गुरू सिंघ सभा गुरुद्वारा येथे आयोजित बैठकीत हे शिबिर घेण्याचा निर्णय झाला. या वेळी झाकिर पठाण, मौलाना गुलाम यजदानी, इस्माईल खान, हाफीज मोहसीन रझा, शब्बीर पटेल, सलीम मुल्ला, भोलासिंग अरोरा, रामिंदरसिंग राजपाल, अकबर हुसेन खान आदींसह हाजिया सोशल फाउंडेशन, अखिल नागरिक एकता मंच, युसुफिया एज्युकेशन ट्रस्ट, रहेबर सोशल फाउंडेशन या संस्थांचे प्रतिनिधी सहभागी झाले होते.