अयोध्येत ११ हजार आंब्यांची आरास

पुणे, ता. २६ : श्रीराम जन्मभूमी अयोध्या येथे विनायक कांची यांच्या किसनराव लक्ष्मणराव कांची फाउंडेशनतर्फे अक्षय्य तृतीयेच्या दिवशी ११ हजार आंब्यांची आरास करण्यात येणार आहे. त्यासाठी नंदकिशोर तरुण मंडळाजवळ शुक्रवारी सकाळी ११.३० वाजता आमदार हेमंत रासने व गिरिजा बापट यांच्या हस्ते आंब्यांच्या पेट्यांचे पूजन करण्यात आले. त्यानंतर आंब्यांच्या पेट्या अयोध्येकडे पाठविण्यात आल्या. याप्रसंगी विश्‍व हिंदू पुणे संघाचे किशोर चव्हाण, आकाश मालव, राजेंद्र भोसले, विश्‍वास मानकर, डॉ. गणेश परदेशी, अजित दरेकर, तीर्थयात्रा आयोजक राजाभाऊ भुजबळ, गणेश कांची, मंगेश परदेशी आदी उपस्थित होते.